مبكبكة أو بكبوكي: طلق كلمة مبكبكة علي المكرونة و ليست اي مكرونة و الكلمة استنبطت من صوت التركريك و التبكبيك ( بوكبك بوكبك بوكبك ) اما بخصوص كلمة بكبوكي فهي مجرد تدليع لكلمة المعكوك
بلا حديدة : يقول هذا المصطلح من ليس لديه مركوب ( سيارة ) و الكلمة جاءت من ان السيارة صنعت اغلبها من الحديد و قد تضاف الي الكلمة ( جون ) و تصبح ... بلا حديدة يا جون و جون هنا شخص وهمي لا وجود له و لكنه ماشي مع اللحن
طارح بجنيه كله: يقصد به تحسين المظهر العام للشخص مثل الرائحة العطرة و الحلاقة و اللبسة المشحوطة و التأنق
لتشحوير = تشجيع الآخرين على ممارسة الرياضة وحثهم على التجول والركض بين المكاتب الحكومية والجهات الرسمية قبل التفكير في قضاء مصالحهم..فالعقل السليم في الجسد السليم وربما العكس صحيح
لمتكنطي = محركه يشكو من دخول زيت المحرك على تركينة الماء مع شكوى من نقص حاد في مياه البطارية وتسرب في الرادياتوري والماراميطه
بلعوط = فالح في خشوش الافاريات وديما يطلع من الخلابيط والطبايخ زي طلوع الشعره من العجين.
درّق وجهك = حث الصديق او القريب على السفر الى كل اصقاع العالم من اجل تعلم الجديد عن حضارات العالم المختلفة وعدم النظر الى الخلف
تتكيم = وضع اللمسات الجمالية الأخيرة على شئ ما. تحبريك = تتكيم وتنزيك الشئ بطريقة ..محبركة
التقريم = اعطاء تقرير مفصل و"محايد" عن السيرة الذاتية لشخص ما تحترمه وتعزه، مع التركيز طبعا على ايجابيات الشخص المعني وتحليل نقاط الضعف من اجل تحويلها الى نقاط قوة وتكون عادة من اختصاص الفتيات / العجائز
تقييد الاحوال = عمل تطوعي يُعلم المرء السهر والاطمئنان على احوال الجيران والمجتمع والبيئة من حوله
بمناسبة الطبعة اولى للكتاب نقدم
لكم مجموعة من الاخبار والدعايات عن احسن المنتجات في جميع المجالات ....مع
بعض العروض للوظائف الشاغرة
... لطفل معبي و سمين......جربي لحوس امين....
شامبو الشروق.....يجعل شعرك شوك شوك....
مزين فريدة....خشي قريدة تطلعي وريدة ...
رياضي..اختيار الرجل الليبي الاول..... لسبسي يدوم ويدوم ويدوم...
رياضي ...والقلب راضي والجيب فاضي
شركة ال بي بي تى ....الكونكشن ينقطع مية
مرة لكن حاول ولا تيأس حيجي...
كوتر كولا.......دواء للامساك لانه يسبب الاسهال...
غمض عيونك واشرب....واسهال مضمون ومن غير تخمين
الوضائف
تعلن شركة سوق التلاتاء عن نيتها في تعيين سائقي بروايط من الدرجة الاولي ....يشترط في
المتقدمين...الحصول علي رخصة درجة تانية ...وخمس سنوات خبرة في سوق
الكريمية مع حصولة على شهادة من الجامعة بختم مطرود او اتمام السيمستر الاول
يحي الليبيين
كانك مش ليبي متقدرش تعوم في سروال عربي
كانك مش ليبي غداكم يوم الجمعه مش بازين..
كانك مش ليبي راك تقول شلونك وازيك وايش الاخبار..
وكانك مش ليبيى متحطش الدلاعة عالبحر وتخليها تتكركب
كانك مش ليبي ماتعومش في البحر بسروال جينز مقصوص امدايره شورت
كانك مش ليبي متقولش لمة يخش قول ( هدف ) خشي..
كانك مش ليبي معندكمش ديربي بين الاهلي والاتحاد في الرياضية
كانك مش ليبي راهو جاك الصراع من كتر الكساد..
كان مش ليبي راك متقراش في موضوعي..
وكان مش ليبي فاتك نفص عمرك
كانك مش ليبي راهو فاتك الجو..
وكانك مش ليبي راك تقول هلبة ..كانك مش ليبي راك متعرفش جو الخنس.. ومتعرفش التلقيح ..
كانك مش ليبي ماتعرفش الزميطة بالرب..
كانك مش ليبي راك متاكلش في المبكبكه..
كانك مش ليبي راهو معندكش شفرتين ليبيانا ووحده مدار..
كانك مش ليبي فاتك جو الزمزامات و الزكرة
كانك مش ليبي ماتوقفش في الاربعة شوراع
كانك مش ليبي متوقفش في طابور الجمعية
.كانك مش ليبي متعرفش تلعب شكبة وريمينو
.كانك مش ليبي متقدرش تفطر سفنزة بالدحي
شعارنا فى هدا الموضوع
أخرط أكثر أكيد في أكثر...!!!
مع المعادلة الشهيرة
الكساد لكي لا نفسد..الخرط لكي لا نكسّد و نفسّد
